مين فينا مبيحبش الشهر الكريم
من أول لما تسمع فضيلة المفتى يقول إن بكرة شهر رمضان بتبقى فرحان جدا
شهر رمضان
أنا بعتبرة أحسن شهر فى السنة كلها وأكيد كلكوا كدة
وخصوصا لما تبقى فى مصر بيبقى لية طعم تانى خالص
تشوف الزينة والفوانيس متعلقة فى الشوارع
وتلاقى المحلات والسوبر ماركت بدأ يبيع ياميش رمضان والفوانيس
وتروح تشترى الياميش
أو تقف فى طابور العيش بعد صلاة الظهر تجيب العيش
وتلاقى العيلة كلها متجمعة مع بعض
ويا سلام بقى على المساجد لما تسمع صوت الشيخ محمد رفعت رحمة الله شغال فى ميكروفون المسجد
ولما تروح تلعب مع أصحابك كورة مستنيين لما المدفع يضرب
وتروح على البيت تلاقى السفرة جاهزة
ووقت ما بتقعد مع اصحابك تقروأ قرأن فى الجامع
أو تروح تتمشى مع اصحابك وتشترى تمر هندى
وعرق سوس وكنافة أو قطايف ومخلل
وساعت الفطار
تبقى قاعد مع العيلة مستنيين المدفع يضرب
بووووووم المدفع ضرب
وطبعا الشاى علشان تحبس
ولما بتروح تشترى طعمية وفول
علشان السحور
أو زبادى
ويا سلام على الناس فى رمضان
تحس أن فى هدوء كدة وكل الناس بتحب بعضها
وطبعا معاد صلاة التراويح
وبعد الصلاة تقف مع اصحابك شوية
وتسمع صوت المسحراتى بالليل
أصحى يا نايم.....
للموضوع بقية......
ليست هناك تعليقات:
إرسال تعليق